ДОГОВОР за ИЗНАЈМУВАЊЕ
на даска за стоечко веслање (СУП)
Сопственик: РЕБЕЛ БОАРДС ДООЕЛ СКОПЈЕ.
СУП модел: _______________________________
Изнајмувач: _______________________________
Телефон: _________________________________
Број на документ (или депозит): _____________
Период на изнајмување: ______ дена, од _____ до_____ најдоцна до 20:00 часот
РЕБЕЛ БОАРДС ДООЕЛ СКОПЈЕ како сопственик, се обврзува на барање на изнајмувачот да изврши детална презентација и инструкција за употреба на СУП-от којшто се изнајмува.
Со своерачен потпис изнајмувачот потврдува дека:
1. Го превзема СУП-от и додатоците (весло, пумпа, јаже за нога, перка и ранец) од РЕБЕЛ БОАРДС ДООЕЛ СКОПЈЕ чист и во исправна состојба. Договорената цена за изнајмувањето ја плаќа во моментот на превземање на СУП-от. За времетраење на периодот на изнајмување во залог остава лична карта или пасош или 200€ кои ќе му бидат вратени откако ќе се утврди дека СУП-от е вратен во исправна состојба, без никаква штета.
2. Ќе го врати СУП-от со додатоците на истекот на датумот за изнајмување, најдоцна до 20:00 часот и ќе почека РЕБЕЛ БОАРДС ДООЕЛ СКОПЈЕ да утврди дали СУП-от е чист и во исправна состојба. Доколку е направена штета изнајмувачот се обврзува да ја надомести по цена од:
- одлепени делови до 5цм, поради препумпаност над 15psi (1 bar) - по 300 ден.
- одлепени делови од 5цм до 15цм, поради препумпаност над 15psi (1 bar) - по 500 ден.
- одлепени делови од 15цм до 30цм, поради препумпаност над 15psi (1 bar) - по 1000 ден.
- дупки на горна или долна страна на СУП-от - по 500 ден.
- оштетен вентил - 500 ден.
- многу извалкан СУП (со кал, прашина, алги или друга нечистотија) - 500 ден.
- трајно козметички оштетен СУП (од масло, боја, хемикалија...) - 3000 ден.
- изгубено/украдено или скршено весло или дел од весло - 2500 ден.
- изгубена или скршена перка - 1000 ден.
- изгубено/украдено јаже за нога - 1500 ден.
- искинат или изгубен ранец - 2500 ден.
- изгубена/украдена, искршена или нефункционална рачна пумпа - 2200 ден.
- изгубена/украдена, искршена или нефункционална електрична пумпа - 6100 ден.
- изгубен/украден или непоправлив СУП (повеќе дупки, одлепени долги површини,
деформации поради подолга изложеност на силно сонце...) - 300€ за Spark и Flow, 400€ за Prime и Sonic.
3. Прифаќа целосна одговорност и е запознаен со "предупредувањата за безбедност" коишто се детално опишани на втората страна од овој договор.
4. Се обврзува дека СУП-от нема да го злоупотреби или неправилно користи со:
- влечење (скијање) со моторни пловни средства,
- веслање на големи бранови,
- веслање во плитки води (кршење на перката и гребење на долната страна на СУП -от),
- веслање по брзи реки,
- препумпаност над 15psi (предизвикува одлепување на залепените делови),
- подолго изложување на силно сонце (предизвикува деформации).
5. Се обврзува да доплати по 1200 денари за секој ден задоцнето враќање на СУП-от по истекот на периодот на изнајмување.
ПРЕДУПРЕДУВАЊА ЗА БЕЗБЕДНОСТ!
Непочитување на овие предупредувања може да доведе до сериозни повреди !!!
МАКСИМАЛЕН БРОЈ НА ЛУЃЕ:
За FLOW - Еден или двајца, со вкупна тежина 140 кг.
За SPARK – Само еден. Опасно е истовремено да веслаат два или повеќе веслачи на овој SUP.
За PRIME - Еден или двајца, со вкупна тежина 160 кг.
НЕ СЕ ПРЕЦЕНУВАЈТЕ: Пред почеток на веслањето одредете ја вашата физичка способност за тоа колку долго можете да извеслате или испливате.
СЕКОГАШ ВЕСЛАЈТЕ ВО ДРУШТВО: Избегнувајте да веслате сами.
СЕКОГАШ ВРЗЕТЕ СЕ СО ЈАЖЕТО ЗА НОГА: Спречува да се одвоите од СУП-от во случај на пад во вода.
ЗАПОЗНАЈТЕ СЕ СО ОКОЛНОСТИТЕ И СО ПРИРОДАТА НА ВОДАТА КАДЕ ШТО ПЛАНИРАТЕ ДА ГО ВЕСЛАТЕ СУП-от: Проверете дали постои некоја забранета или опасна зона, работното време на службата за спасување и каде би можеле да се обратите за помош во случај на незгода.
НЕ ГО УПОТРЕБУВАЈТЕ СУП-от ВО ЛОШИ ВРЕМЕНСКИ УСЛОВИ И ПРИ УМЕРЕН ИЛИ СИЛЕН ВЕТАР.
ОПАСНОСТ ОД ЛИЗГАЊЕ: Горниот слој на СУП-от е изработен од нелизгачки материјал, но препорачливо е да носите и гумени нелизгачки патичиња.
ПАЗЕТЕ СЕ ОД ХИПОТЕРМИЈА: Можно е да се случи и во не-многу ладна вода. Препорачливо е да носите водоотпорно суво одело (wetsuit).
СЕКОГАШ НОСЕТЕ СИГУРНОСЕН ЕЛЕК (LIFE JACKET) ИЛИ НЕКОЈ ДРУГ УРЕД ШТО НЕ ТОНЕ ВО ВОДА.
НЕ ВЕСЛАЈТЕ ПОСЛЕ ЗАЈДИСОНЦЕ: Секогаш носете водоотпорна светилка за сигнализација кон другите пловни објекти доколку сте сеуште во вода после зајдисонце и ноќе.
ИНФОРМИРАЈТЕ ГИ БЛИСКИТЕ ЗА ВАШАТЕ РУТА: Каде планирате да веслате и колку време би се задржале.
ПОМАЛИ ДЕЦА НА СУП-от: Под строг надзор од родител или друг искусен веслач.
НЕ КОНЗУМИРАЈТЕ АЛКОХОЛ И/ИЛИ ДРОГИ ПРЕД И ЗА ВРЕМЕ НА ВЕСЛАЊЕТО.
НЕ ГО ОСТАВАЈТЕ ВЕСЛОТО ДА ПЛУТА ВО ВОДА ПОДОЛГО ОД 10 МИНУТИ: Постепено се полни со вода и може да потоне.
НЕ ВЕСЛАЈТЕ НА ГОЛЕМИ БРАНОВИ: Може да дојде до сериозни повреди поради превртување и оштетување на СУП-от.
КОГА ГО ИЗДИШУВАТЕ СУП-от ЛИЦЕТО ДА НЕ ВИ БИДЕ НАД ВЕНТИЛОТ затоа што ќе почне да испушта бучен воздух под силен притисок и можно е да ви нанесе повреда.
СОПСТВЕНИК
РЕБЕЛ БОАРДС ДООЕЛ СКОПЈЕ ____________________________
ИЗНАЈМУВАЧ _______________